ಮಹಾವಿಷ್ಣು ರೂಪಕಲ್ಪನ ಕಾವ್ಯವುಂ

ಮಹಾವಿಷ್ಣು ರೂಪಕಲ್ಪನ ಕಾವ್ಯವುಂ

ಕೇಶವನಾನಂದದ ರೂಪರಾಶಿಂ

ಬ್ರಹ್ಮಾಂಡದಾಪಾರ ಚರಾಚರಾತ್ಮಂ

ವಂದೇ ಗದಾಧರ ಮಹಾಸುರೂಪಂ

ಸಾನಂದ ನಾರಾಯಣ ಪಾದಪದ್ಮಂ ||೧||

ಕ್ಷೀರಾಂಬುಧಿವಾಸ ಸುಶಾಂತ ಮೂರ್ತಿಂ

ಬಾಳೆಂಬ ಮಾಯಾಜಗವೆಲ್ಲ ಕ್ಷೀರಂ

ಅರ್ಥೈಸೆ ಮೂಲೋಕ ಮಹಾಂತ ಸತ್ಯಂ

ಸಾನಂದ ನಾರಾಯಣ ಪಾದಪದ್ಮಂ ||೨||

ಪಾಲೆಂದು ಪಾಲಾಗಿರದೆಂಬ ಸತ್ಯಂ

ಪಾಳಾಗಿ ಮೂರೇ ದಿನಕಾಯುನಾಶಂ

ಕ್ಷೀರಾಂತರಾಳಂ ದಿಟದೇವವಾಸಂ

ಸಾನಂದ ನಾರಾಯಣ ಪಾದಪದ್ಮಂ ||೩||

ಹೆಪ್ಪೆರೆದಾಗಂ ಮೊಸರಾಗಿ ಪಾಲುಂ

ಬಾಳ್ಪುದು ನಾಕಾರು ದಿನಾಂತಕಂತಂ

ಕ್ಷೀರಂ ದಧಿಯುಂ ಹರಿದೇವವಾಸಂ

ಸಾನಂದ ನಾರಾಯಣ ಪಾದಪದ್ಮಂ ||೪||

ಮಂಥನವಂ ಮಾಡೆ ದಧಿಯನೀಗಂ

ಉದ್ಭವವುಂ ಕ್ಷೀರಸಮುದ್ರಸಾರಂ

ಪ್ರತ್ಯಕ್ಷರೂಪಂ ನವನೀತಚೋರಂ

ಸಾನಂದ ನಾರಾಯಣ ಪಾದಪದ್ಮಂ ||೫||

ಘೃತಸ್ವರೂಪಂ ವಸುದೇವದೇವಂ

ಸಾಧಾರ ಸಾಕ್ಷ್ಯಂ ಜಯನಾಮಮಂತ್ರಂ

ಅರ್ಥೈಸೆ ಮೋಕ್ಷಂ ಜಗದಾದಿ ಲೋಕಂ

ಸಾನಂದ ನಾರಾಯಣ ಪಾದಪದ್ಮಂ ||೬||

ಮಾಯಾಮನೋಹರನು ಆದಿಶೇಷಂ

ಶೇಷತಲ್ಪಶಾಯಿ ಸುಯೋಗರೂಪಂ

ನಾಗಸ್ವರೂಪಂ ಅರಿತಂದು ಬಾಳ್ಪುಂ

ಸಾನಂದ ನಾರಾಯಣ ಪಾದಪದ್ಮಂ ||೭||

ಬ್ರಹ್ಮಾಂಡದಾಧಿಕ ಕಠೋರ ಕಷ್ಟಂ

ಪಾಶಸ್ವರೂಪಂ ಕಡುಕಷ್ಟವೆಲ್ಲಂ

ಕಷ್ಟಂಗಳ ಮೇಲೆ ಸುಖಾಂತ ಕಾಲಂ

ದೃಷ್ಟಾಂತ ನಾರಾಯಣ ಪಾದಪದ್ಮಂ ||೮||

ಪೋರಾಡುತಂ ಜೀವನ ಜೀವನಾಂತಂ

ಪೋರಾಟದಾ ರೂಪವಿರೂಪ ಶೇಷಂ

ಶೇಷನದಾತಂಕಗಳಿಂಗತೀತಂ

ಪ್ರಣಾಮಿ ನಾರಾಯಣ ಪಾದಪದ್ಮಂ ||೯||

ಶೇಷ ಸುಕಾಯಂ ಶಯನಾ ತಲ್ಪವುಂ

ಮೋದಂ ವಿನೋದಾತಿವಿನೋದ ವಿಷ್ಣುಂ

ನಿದ್ರಾವಿಲೀನಂ ಕಪಟಾಂಕಲೀಲಂ

ಸಾಷ್ಟಾಂಗ ನಾರಾಯಣ ಪಾದಪದ್ಮಂ ||೧೦||

ಶಿರೋತಲಂ ಕೈಪಿಡಿದಿಂತು ಪೇಳ್ದಂ

ಭಾವಾತಿರೇಕಂ ತೊರೆದುಂ ಮನುಷ್ಯಂ

ಬಂಧಗಳಂ ತ್ಯಜಿಸೆ ಮುಕ್ತಿ ಮೋಕ್ಷಂ

ಪ್ರಣಾಮಿ ನಾರಾಯಣ ಪಾದಪದ್ಮಂ ||೧೧||

ಬಂಧುಗಳುಂ ಕೂಡರು ಕಷ್ಟಕಾಲಂ

ತಾನಾಗಿ ತಾನೇ ಪರಿತಾಪ ಪೊಂದಿಂ

ಧ್ಯಾನಾಂತರಾಳಂ ಪರತತ್ವಲೀನಂ

ಸಾನಂದ ನಾರಾಯಣ ಪಾದಪದ್ಮಂ ||೧೨||

ಲಕ್ಷ್ಮೀನಿವಾಸಂ ಹರಿಪಾದಮೂಲಂ

ಆಭರಣವುಂ ಲಕುಮೀಸುರೂಪಂ

ಶೋಭಾಯಮಾನಂ ಸಿರಿದೇವಿ ಮೂರ್ತಿಂ

ಸಾನಂದ ನಾರಾಯಣ ಪಾದಪದ್ಮಂ ||೧೩||

ಬಂಗಾರಮೋಹಂ ಬರಿದೊಂದು ಮಿಥ್ಯಂ

ಶಿರಾಂತರ್ಯದಿಂ ನೆಲೆಯಾಗೆ ಭ್ರಾಂತಿಂ

ನಾಶಾಂತರಾಳಂ ಬಸುಮಾಂತರಾತ್ಮಂ

ಪ್ರಣಾಮಿ ನಾರಾಯಣ ಪಾದಪದ್ಮಂ ||೧೪||

ನಾಭಿಯೊಳುಂ ಅಂಬುಜವುಂ ಸುಪುಷ್ಪಂ

ಬ್ರಹ್ಮವಿಕಾಸಂ ಕಮಲಾಂತರಾಳಂ

ಸೃಷ್ಟಿ ಸುಕಾರ್ಯಂ ನರರೂಪ ಲೀಲಂ

ಸಾನಂದ ನಾರಾಯಣ ಪಾದಪದ್ಮಂ ||೧೫||

ಈಶ್ವರನಾತ್ಮದಲಿ ಭಾವಲೀನಂ

ಏಕೈಕರೂಪಂ ಜಗದಾದಿದೇವಂ

ಈಶ ಮಧುಸೂದನರೇಕರೂಪಂ

ಸಾನಂದ ನಾರಾಯಣ ಪಾದಪದ್ಮಂ ||೧೬||

ತ್ರಿಮೂರ್ತಿರೂಪಂ ಜಗದಾದಿ ಶಕ್ತಿಂ

ಮಾಧವನಾತ್ಮದಿ ವಿಲೀನ ಸರ್ವಂ

ಬ್ರಹ್ಮಾಂಡಪಿಂಡಂ ಸುಗುಣಾಂತರಂಗಂ

ಸಾಷ್ಟಾಂಗ ನಾರಾಯಣ ಪಾದಪದ್ಮಂ ||೧೭||

ಭುಜಂಗಳುಂ ನಾಕು ಯುಗಾದಿ ರೂಪಂ

ತೇಜೋಮಯಂ ಯೋಗ ಸುಯೋಗಕಾರಂ

ಕೃತಂ ಕಲಿಂ ದ್ವಾಪರದಾಂತ ತ್ರೇತಾಂ

ಸಿಂಧೂರ ನಾರಾಯಣ ಪಾದಪದ್ಮಂ ||೧೮||

ನಾಕಾಯುಧವುಂ ಚತುರಾದಿ ಜ್ಞಾನಂ

ಕಷ್ಟಂಗಳ ಮೇಲೆ ಗದಾಪ್ರಹಾರಂ

ಶಂಖನಿನಾದಂ ಜಗತ್ಪಾಲ ಗಾನಂ

ಸಿಂಧೂರ ನಾರಾಯಣ ಪಾದಪದ್ಮಂ ||೧೯||

ಮೇಧಾ ಮನೋಜ್ಞ ಸುದರ್ಶನ ಚಕ್ರಂ

ಸ್ಪಷ್ಟ ಸುಮಾರ್ಗವ ದರ್ಶಿಪ ಚಕ್ರಂ

ಸೃಷ್ಟಿಂ ಲಯಂ ಜೀವನ ರೂಪ ಚಕ್ರಂ

ಸಾನಂದ ನಾರಾಯಣ ಪಾದಪದ್ಮಂ ||೨೦||

ಪದ್ಮಂ ಮನೋಹರ ಪದಂ ಸುಲೋಕಂ

ಕ್ಷಿಪ್ರಗತಿಂ ಕೋಮಲಧಾಮ ಗಮ್ಯಂ

ಅತ್ಯಂತ ವೇಗಂ ಗರುಡಂ ಸುವಾಹಂ

ಸಂಪ್ರೀತ ನಾರಾಯಣ ಪಾದಪದ್ಮಂ ||೨೧||

ವೇದಸ್ವರೂಪಂ ಸುಮುಖಾರವಿಂದಂ

ಬ್ರಹ್ಮಾಂಡ ರೂಪಂ ನಯನಾ ಮನೋಜ್ಞಂ

ವಂದೇ ಪರಾತ್ಮರ ಮಹಾಂತ ಹಂಸಂ

ಸಾನಂದ ನಾರಾಯಣ ಪಾದಪದ್ಮಂ ||೨೨||

ವಂದೇ ಸುರೂಪಂ ಸನಕಾದಿ ವಂದ್ಯಂ

ವಂದೇ ಸುರೂಪಂ ಅಮರಂ ಅಜೇಯಂ

ವಂದೇ ಸುರೂಪಂ ಜಗದಾದಿ ದೇವಂ

ಸಾಷ್ಟಾಂಗ ನಾರಾಯಣ ಪಾದಪದ್ಮಂ ||೨೩||

ಯೋಗಂ ಸುನಾದಂ ಪಯಣಿಗ ಕಾವ್ಯಂ

ಶಬ್ದಂಗಳುಂ ದೇವಸುಪಾದ ಸೇವ್ಯಂ

ಕಾವ್ಯಂ ಅರ್ಪಿತಂ ಹರಿದೇವ ಪಾದಂ

ಪ್ರಣಾಮಿ ನಾರಾಯಣ ಪಾದಪದ್ಮಂ ||೨೪||

- ಪ್ರಕಾಶ ಪಯಣಿಗ