ಆದಿಶಕ್ತಿ ರೂಪಕಲ್ಪನ ಕಾವ್ಯವುಂ
ಆದಿಶಕ್ತಿ ರೂಪಕಲ್ಪನ ಕಾವ್ಯವುಂ
(ಈ ಕೀರ್ತನೆಯ ಗಾನ ಕೇಳಲು ಕೆಳಗಿನ ಲಿಂಕ್ ಕ್ಲಿಕ್ ಮಾಡಿ....
ನಿರಾಕಾರ ಓಂಕಾರ ರೂಪಾದಿಯುಂ
ಬಹೂವಾಗಲೆಂದೊಮ್ಮೆ ಮೂಲೋಕದಿಂ
ಸುಶೋಭಿಪ ರೂಪಪ್ರಭಾಪುಂಜವುಂ
ಅನಂತಾಣು ಜೀವಾಣು ರೂಪಾಂತರಂ ||೧||
ವಿಧಿ ಈಶ ಮಾಧವನಾ ದೇವಿಯುಂ
ದುರ್ಗಾ ಶಾರದಾ ಲಕ್ಷ್ಮಿಯಾ ರೂಪವುಂ
ಸುರಾಧಿಪ ತಾರಾಜಗಂ ಪಾತಲಂ
ಅನಾದಿಂ ಅನಂತಂ ಮಹಾಮಾಯೆಯುಂ ||೨||
ದಿಶೆಯೆಂಟು ಭುಜಂಗಳಾ ದೇವಿಯುಂ
ಸಹಸ್ರಾರು ಲೋಕಂಗಳಾ ಕೇಶವುಂ
ಇನಾಮಂಡಲಂ ಕೋಟಿ ನೇತ್ರಂಗಳುಂ
ಅನಾದಿಂ ಅನಂತಂ ಮಹಾಮಾಯೆಯುಂ ||೩||
ವಸುಂಧರೆಯುಂ ದೇವಿ ಪಾದಂಗಳುಂ
ನಭೋಕಾಯ ಕಾಯಂಗಳಂಗಾಂಗವುಂ
ಅಸಂಖ್ಯಾತ ಆತ್ಮಂಗಳೇ ಕಾಯವುಂ
ಅನಾದಿಂ ಅನಂತಂ ಮಹಾಮಾಯೆಯುಂ ||೪||
ನಿಜಜ್ಞಾನ ರೂಪಂ ಮಹಾಚಕ್ರವುಂ
ಸಹಸ್ರಾರ ಉತ್ಥಾನದಾ ಕಾಯಕಂ
ಸಹಸ್ರಾರು ಜೀವಂಗಳಾ ಮೋಚಕಂ
ಅನಾದಿಂ ಅನಂತಂ ಮಹಾಮಾಯೆಯುಂ ||೫||
ಮಹಾಕಾಲ ರೂಪಂ ಮಹಾಶೂಲವುಂ
ಮಹಾಲೋಕಪಾಲಂ ಕುಕಾಲಾಂತಕಂ
ಸುಕಾಲಂ ಸುಲೋಕಂ ಸದಾಸುಂದರಂ
ಅನಾದಿಂ ಅನಂತಂ ಮಹಾಮಾಯೆಯುಂ ||೬||
ಸುದಂಡಂ ಮನೋರೂಪ ನೀರಾಜನಂ
ಮನೋಮಂದಿರಾಕಾರ ಸಾಕಾರವುಂ
ಮನೋವಾಸಿ ಮೋಹಾಂತಕಾ ಲೀಲೆಯುಂ
ಅನಾದಿಂ ಅನಂತಂ ಮಹಾಮಾಯೆಯುಂ ||೭||
ದುರಾಚಾರವುಂ ಚೇತನಾಘಾತಕಂ
ನಿಶಾಕೂಪ ನಿಸ್ತೇಜ ಬೀಜಾಂಕುರಂ
ಮದಾಂತಂ ನಿಶಾಂತಂ ಗದಾಘಾತವುಂ
ಅನಾದಿಂ ಅನಂತಂ ಮಹಾಮಾಯೆಯುಂ ||೮||
ಮಹಾಂಡಾಂಡ ಬೀಜಂ ಮಹೋಂಕಾರವುಂ
ಸುಶಂಖಾ ನಿನಾದಾದಿ ಆದ್ಯಂತವುಂ
ಸಜೀವಂ ಸಚೇತಂ ಜಗದ್ವ್ಯಾಪಿಯುಂ
ಅನಾದಿಂ ಅನಂತಂ ಮಹಾಮಾಯೆಯುಂ ||೯||
ಮೃಗಾಧಿಪನುಂ ಶೂರಸೇನಾನಿಯುಂ
ದೃಢಚಿತ್ತ ಗಂಭೀರ ಭಯಾಂತಕಂ
ಮನೋಹಾರಿ ಸಿಂಹಂ ಸುಶಾತಂ ಸದಾ
ಅನಾದಿಂ ಅನಂತಂ ಮಹಾಮಾಯೆಯುಂ ||೧೦||
ಸದಾನಂದ ಓಂಕಾರ ದೇವೀಂ ನಮೋ
ಅನೇಕಂ ಯುಗಾಂತಂ ಯುಗಾದಿಂ ನಮೋ
ವಿಶಾಲಂ ಸುರೂಪಂ ಸುಕಾಯಂ ನಮೋ
ಅನಾದಿಂ ಅನಂತಂ ಅಖಂಡಂ ನಮೋ ||೧೧||
ಸುರಾಗಂ ಸುನಾದಂ ಸುಕಾಂತಂ ನಮೋ
ಅಜೇಯಂ ಅಭೇದ್ಯಂ ಅಮೋಘಂ ನಮೋ
ಅಪಾರಂ ಅಪೂರ್ವಂ ಅನೂಹ್ಯಂ ನಮೋ
ಅನಾದಿಂ ಅನಂತಂ ಅಖಂಡಂ ನಮೋ ||೧೨||
ಪಯಣಿಗ ಕಾವ್ಯಂ ಸುಪದ್ಮಾಪದಂ
ಸುಛಂದಂ ಸುಭಾವಂ ಸುಹಾರಾರ್ಪಣಂ
ಅಕ್ಷರಂ ಕಲಾರೂಪ ದುರ್ಗಾಪದಂ
ಅನಾದಿಂ ಅನಂತಂ ಮಹಾಮಾಯೆಯುಂ ||೧೩||
- ಪ್ರಕಾಶ ಪಯಣಿಗ
Comments
Post a Comment